» Über uns

» FAQs

» Linggs

» Intärn

Sprysse Cup 2013 (10.07.2013, 23:21)

Im Juubeljoor hämmers gschafft fir dr Sprysse Cup drei Teams zstelle. Do leider nid alli Deppe Zyt und Luscht gha hän hämmer no zwei Ladies vo extärn derzuegno. Das het ämmel am Morge au nüt gnutzt, alli Mannschafte hän alli Spiel vo dr Gruppephase verlore. Somit sind alli mit gliich lange Spiess in Noomidaag gange und das het gheisse: Verlierertableau. Dr Wettbewärb um die beschti Deppenmannschaft ist voll lanciert gsi. Und do die erschti Rundi für alli e Freisloos brocht het isches ab em Sächzäntelfinal richtig spannend worde. Dert het sich denn DOT 2 grad mol verabschiedet und dr letschti Platz im intärne Fight isch belegt gsi. Jetzt hän no s1 und s3 Chance uf sFreibier gha. Und dMänner hän dOberhand bhalte und dHirarchie gwaart, wenn au knapp. Mit Platz 34 isch zem Schluss die beschti Kubb-Platzierig vonere Deppenmannschaft sit allne Zyte derbi uuseko. Gege dSpitze oder sbreite Mittelfäld hämmer aber ohni Training kei Chance.

Autor: Schaggi

Kategorie: Deppenontour

zrugg