» Über uns

» FAQs

» Linggs

» Intärn

Deppenontour, das sind dr Diibidääbi, dr Joël, dr Schaggi, dr Quinto und dr Zeeka. 5 jungi Männer, wo zämme in d'Schuel sind und scho syt vielne Joore gmeinsam viel Zyt verbringe.

D'Gruppe Deppenontour (DOT) gits syt em Mai 2003. S'isch am Allschwiler Banndaag gsi, wo pletzlig d'Idee ko isch, däm Huffe e Name z'gäh. E Name wo passt. Und bi däm Seich womer alli zämme scho erläbt händ und mer us Familiekreise zwischedrii gärn emol als Deppe bezeichnet worde sind, isches relativ eifach gsi: d'Deppenontour sind gebore!

Als Deppenontour sin mer an de Spiel vom FCB, aber au an allerlei andere Feschtli und Aaläss aa z'träffe. Dr Spass stoht bi uns im Vordergrund, s'Lääbe isch schliesslich ärnscht gnueg. Unseri Inträsse göhnd vo Sport bis Politik, mit uns ka me eigentligg iiber alles schwätze.

Jewiils am Mittwuch hämmer dr DOT's Wednesday. Do simmer ganz exklusiv unter uns und unternähme glatti Sache. Au do sind de Fantasie (fascht) keini Gränze gsetzt. Jedoch isch jede härzlig willkomme, emol mit uns amene Samschtig Oobe dr Ussgang z'gniesse. Vorusschigge mien mer aber, das mer nur mit glatte Type wänd z'due ha!

Somit wär alles gseit, am beschte lehrsch is doch sälber kenne in däm de mol mit ebberem vo uns Kontaggt ufnimmsch. Mer wurde is freue!

Liebe Gruess

Eueri Deppenontour

PS: au s'Gäschtebuech freut sich iber e Iitraag!