» Über uns

» FAQs

» Linggs

» Intärn

Radball Grimpeli 2011 (07.12.2011, 21:04)

DDeppe sind au im 2011 wieder bim VMC Lieschtel ans Radball Grimpeli gange. Schliessligg sind dPokäl vom Turniersieg und vom Torschützekönig zverteidige gsi. Im Vorfäld isches allerdings zimligg turbulänt zue und här gange. Ursprüngligg sind 3 Mannschafte plant gsi. Allerdings het zerscht dr Staldi wäge dr Geburt vo dr zweite Stalder-Tochter und scho vorhär dDiana wägem Scheiche miesse Forfait gäh. Somit het sich dr Zeeka mitem Quinto formiert und dSchweschter isch mitem Schaggi an Start. DBilanz vo de DOT isch an däm Grimpeli jo sowieso scho sensationell gsi. Im 2009 hän dr Zeeka und dr Schaggi Platz 2 gholt, dMuller-Brothers Rang 4 und die zwei andere Teams (Schweschter/Staldi und Nömi/Quinto) hän au e paar Sieg gholt. Usserdäm het dr Schaggi dert no dTorjägerkanone gholt. E Joor speeter isches denn no besser worde. Zeeka/Schaggi hän ohni Niederlaag dr Turniersieg gholt und dominiert. Dr Zeeka het nääbebii miteme neye Rekord no dr Torschützepokal vom Schaggi gerbt. STeam Schweschter/Staldi het leider nid so viel Glygg gha und dr drittletscht Platz belegt. Das zsteigere isch notierlig fascht nid meegligg gsi. Trotzdäm isch me zueversichtligg ins Turnier gstartet und uf Grund vo de Training vorhär sind Zeeka/Quinto ganz klar zfavorisiere gsi. dSchweschter/Schaggi hän denn serschte Grubbespiel mit emene ungfärdete 3:0 gwunne, ohni allerdings zbrilliere. Dr Zeeka und dr Quinto hän denn bi ihrem erschte Uftritt im sauschwere und heisse Yshockey-Outfit total iberzigt und klar mit 6:1 gwunne. Drno isches denn scho zem Deppen-Gipfel ko und sisch spannend gsi. E Duell uf Augeheechi. Zerscht sind dHockeyspieler in Fiehrig gange, denn hän dStrampler wieder usgliche und umgekehrt. Schlussändligg het e Missverständnis em Schaggi dr Ball zuegspielt und dPille isch zem 3:2 Sieg im Netz glande. Fruscht bi Zeeka/Quinto und Jubel bi Schweschter/Schaggi. Die räschtlige Spiel vo dr Vorrundi hän denn beidi Mannschafte souverän gwunne und es sind alli logger in dFinalrundi izoge. Dert hän denn stärggeri Gegner gwartet und sisch nomoll zem Duell ko! DSchweschter und dr Schaggi, wo im wissblaue Drummelistrampler aaträtte sind, hän denn au in dr Finalrundi notlos wietergmacht mit gwinne. Während dSchweschter in dr Defensive e riese Job gmacht het, het dr Schaggi vorne uf dFähler vo de Gegner gwartet und denn knallhart usgnutzt. Somit isch au dr finfti Match mit 3:1 gwunne worde. Bim Zeeka und em Quinto isch in dr kurze Pause allerdings ebbis grisse. Gege e Gegner wo me in dr Vorrundi no 3:0 gschlage het verliere die zwei doch pletzligg mit 1:2. Und im Gsicht vom Quinto het me nyt guets kenne lääse. Isch sGoschdym doch zdigg gsi? Prompt hän die zwei Herre au sweite Derby gege dSchweschter und dr Schaggi verlore. Zwar wieder knapp mit 1:2, aber dr Turniersieg isch somit notierlig wägg gsi. Derfir hets fir die vermeintligge Ussesiter pletzligg sehr guet usgseh. Doch zwei Mannschafte hän no gwartet. DHockeyspieler hän in ihrem 7. Spiel vom Turnier denn wieder en Achtigserfolg kenne lande und gege sehr aggressiv spielendi Fricktaler e 3:3 und dodermit dir erschti Punggt in dr Finalrundi gholt. Grad drno hän dSchweschter und dr Schaggi ihre Match logger mit 4:0 gwunne und hän langsam aber sicher derfe vom Turniersieg träume. Zem Schluss hän denn dr Zeeka und dr Quinto nomoll zeigt was sie kenne und hän nomoll e Mätschli fir sich kenne entscheide. Ohni dr zwischezytligg Ibruch wär sicher no bitz meh dinneglääge. Im letschte Spiel vom Turnier hän denn die scho zimligg uspumpte Strampler nomoll alles gäh und e knappe 2:1 Sieg iber dZyt grettet. Dodermit isch klar gsi dass dr Turnierpokal wieder uf Allschwil heim kunnt! Bi dr Rangverkindig hets denn none paar Iberraschige gäh. Dr Goschdympriis isch nämligg au no an dDeppenontour gange! Shet sich also glohnt die verdammti Yshockeymontur zmontiere. Näbem Turniersieg hän denn dr Zeeka und dr Quinto no iber dr 3. Platz derfe juble. Und au dTorschützekanone isch zem dritte mol hinterenand wieder ane Depp gange. Dr Schaggi het sich dä Pott wieder vom Zeeka zrugg gholt! E wahnsinns Turnier isch somit zÄnd gange und wird allne no lang in Erinnerig bliibe. sResultatblatt http://radball.marge.ch/gruempelturnier/dokumente/20111119-spielplan.pdf

Autor: Schaggi

Kategorie: Deppenontour

zrugg