» Über uns

» FAQs

» Linggs

» Intärn

14. DOT's Wednesday (26.01.2006, 01:08)

Am 14. Deppe-Träff isch Kino aagseit gsii. Dr Diibidääbi und dr Zeeka händ beschlosse, dr schwyzer Film "Grounding" go z luege. E Mischig vo woore Fakte und ere erfundene Härz-Schmärz-Gschicht, wie sy so ungefäär hät kenne abgloffe syy zue dääre turbulänte Zyt. Mit em Drämmli hämmer is am halber achti uf e Wääg ind Stadt gmacht. Dört simmer denn wie üblig z erscht schnäll d Byyljee go hole. Dr Diibi het denn no e glaine Hunger gha zem stille, und mer sind ins Cindy's yykeert. E Fleisch-Kääs-Yyklemmts speter simmer denn no in alte Stainlemer e Ueli-Bier go nää, und denn isch es jo scho glyy loosgange. Also wider gmietlig ind Staine zum Capitol, und aabe zue unserne Blätz. Grad wo mer abhogge wirds au scho e glai dunggler, und d Wärbig foot aa. E paar Minute speter denn ändlig dr Film! D Gschicht wird jetzt sälbschtvrständlig nid vrroote - mer sind jo keini Unmensche. Uf jede Fall isch es seer spannend gsi, zum zueluege, wie die Herre Vrwaltigsrööt die ganz Zyt umepfusche und d Schuld de andere zueschiebe. Die aagsprocheni Hintergrundgschicht isch rächt aagnääm zum mitverfolge. Nid kitschig oder ufdringlig, sondern scheen dezänt ghalte. Alles in allem also sicher e guete Film, wo me ooni witeres dörf witerempfääle! Do gits no e glaini Info drzue.

Autor: Zeekadeethee

Kategorie: Deppenontour

zrugg