» Über uns

» FAQs

» Linggs

» Intärn

12. DOT's Wednesday (12.01.2006, 12:45)

"Scho wider Mittwuch!", wird e männge still vor sich aane gsait ha. Was das bedytet, waiss dr erfaareni Lääser jo sicher scho: Zyt fir dr näggscht DOT's Wednesday! D Planige laufe scho syt em Mändig uf Hochtuure, und me het scho bald e Programm parat. Es lutet "aimal Squash mit Fozzball". Will dr Schaggi und dr Quinto vrhinderet gsi sind, und dr Diibidääbi erscht spöter het könne derbyy syy, hätte dr Joël und dr Zeeka unterdesse jo guet e paar Ballwäggsel im Squash Court mache kenne. Doch - oo wee - dr Zeeka het miesse knaiffe. Sis erschte InlineHockey-Drääning am Zyschtig isch doch e glai intensiver gsi, als är dänggt hät. So isch nyt anders voorigblyybe als dä Dail irgendwie andersch z gstalte. Me het sich kurzerhand uf e Stund Billard bim Asiat hinde g ainigt. Schnäll isch aber au dert glaar worde, wär besser ka yyloche. Dr Altmaischter Joël het s em Zeeka unglaublig schwäär gmacht und iin gnadeloos fertiggmacht. Schlussändlig isch es 6 zue 2 gstande und me het sich, höflig wie men isch, vrabschiidet. Drno isch me ufs Weello ghoggt und zem Joël haime gfaare, wo au scho dr Diibidääbi uf is gwartet het. Zue dritt het me denn dr Carling Cup-Match Blackburn Rovers gege Manchester United aagluegt. Die beide Teams händ sich nyt gschänggt und me isch hart zer Sach gange. Manchester isch denn noch ere knappe halbe Stund in Fierig gange, fimf Minute drno isch aber scho dr Usglyych realisiert worde. In dr zewaite Halbzyt isch denn das ganze abgflacht und s het kaini Gool me gää. Punggt elfi isch s Programm schlussändlig duure gsi und me het sich uf dr Haimwääg gmacht.

Autor: Zeekadeethee

Kategorie: Deppenontour

Letschti Änderig: 12.01.2006, 14:58 (Zeekadeethee)

zrugg