» Über uns

» FAQs

» Linggs

» Intärn

Sylveschter '05 (02.01.2006, 13:38)

Geburtsdaag het är gha, dr Schaggi, am letschte Daag im 2005. E witere Altersring im Stamm, im Gsicht und am Fiidle gits no meh Rimpf Doch zem briele hets kai Zyt gäh, fiir das händ d'Mexikaner gsorgt, nach Nachos, Tequilla und Gesang het me zämme e Schämpis entkorkt. S'het toll usgseh bim Schaggi dehaim, d'Stuube à la Wild Wescht, so isch klar gsi was alli erwartet, nämmlig e Megasuperfescht. Zem Gschängg gits Selfmade-Bier und Schoggi, e Liibli no vom EHC, wenn dr Ranze waggst nach ässe und dringge, ka me s'Emblem uf em Trikot no besser gseh. So isch dr Oobe wietergange, me het g'ässe und viel drungge, d'Zyt isch vergange wie im Flug und s'neye Johr het scho bald gwungge. Und kuum isch me im '06 gsi, het Mänge langsam gspiihrt, was dr Keerper mit eim macht, wenn me bitz heftig fiirt. So ischer gsi, dr Johreswäggsel und eins hets wieder zeigt, trotz Warnig vor em grosse Sturm mache d'Deppe Freud. E härzligg Danggscheen an alli zämme, ihr sind e super Huffe, und au im neye Johr do gilt: "jetzt dien mer eine suffe!"

Autor: Schaggi

Kategorie: Deppenontour

Letschti Änderig: 02.01.2006, 14:33 (Schaggi)

zrugg