» Über uns

» FAQs

» Linggs

» Intärn

9. DOT's Wednesday (21.12.2005, 23:55)

Eimol me isch s Thema vom hüttige Deppe-Mittwuch dr Fuessball gsi. Imne schnälle Uswahlvrfahre isch zu Ungunschte vo Squash und Billard entschiide worde - dr DFB-Pokal het sich könne duresetze. Dr Zeeka het für dä Aaloss dörfe in dr Schtuube vom Diibidääbi und em Joël Platz nää. Dr Tisch isch glii deggt mit feine Knabbereie und aagnääm früschem Geträngg. Aapfiff! Bayern schpiilt vo rächts no linggs, dr HSV vo linggs no rächts. Oder umgekehrt, i weiss es schlicht nümm. Hamburg mit Atouba und Wicky, Bayern mit elf anderne Schpiiler. Dr Match isch saumässig langwiilig und uns kheie bald d Auge zue. Me merkt, dass zwei sehr gueti Vrteidigunge ufenand träffe. Denn ändlig in dr Vrlängerig s entscheidende Goal vom Hargreaves. S Schpiil isch entschiide und i darf ändlig wider heime go... Trotz allem e härzlige Dangg and Gaschtgäber, und bis zum näggschte mol!

Autor: Zeekadeethee

Kategorie: Deppenontour

zrugg